Լուրեր

2019 Սեպ 27, Ուրբաթ 16:00

Սեպտեմբերի 27-ին Մայր Աթոռ Սուրբ Էջմիածնի Գևորգյան հոգևոր ճեմարանում տեղի ունեցավ 2019-2020 թթ. ուսումնական տարվա բացմանն ու ճեմարանի հիմնադրման 145-ամյակին նվիրված միջոցառում, որին իր մասնակցությունը ցուցաբերեց միության «Նարեկացի» նվագախումբը (գեղ. ղեկավար՝ Արտեմ Խաչատուր):

Հանդիսությունը բացվեց Տերունական աղոթքով, որից հետո հնչեցին Հայաստանի Հանրապետության և ճեմարանի օրհներգերը:

Ցերեկույթին երաժշտական կատարումներով հանդես եկան նաև Գևորգյան հոգևոր ճեմարանի երգչախումբը՝ Արտաշես Բաբուրյանի ղեկավարությամբ, և Մայր Աթոռի սարկավագաց երգչախումբը՝ Շահե Քեշիշյանի ղեկավարությամբ: